After the by-election victory, the Thaveka government has gained enough seats and a majority in the legislature to form a government on its own, and therefore no longer needs the favor of coalition parties, and will the Thaveka government, in particular, abandon the VKC?
முழுப் படம் ↗After the by-election victory, the Thaveka government has gained enough seats and a majority in the legislature to form a government on its own, and therefore no longer needs the favor of coalition parties, and will the Thaveka government, in particular, abandon the VKC?
Anand, Wisdom News. 18.10.2026
இடைத்தேர்தல் வெற்றிக்குப் பிறகு த வெ க அரசுக்குச் சட்டமன்றத்தில் தனித்து ஆட்சி அமைப்பதற்கான போதிய இடங்களும் பெரும்பான்மை பலமும் கிடைத்துவிட்டதால், இனி கூட்டணி கட்சிகளின் தயவு தேவையில்லை என்றும், குறிப்பாக விசிக-வை த வெ க அரசு கழட்டி விட்டுவிடும் என்றும் சமூக ஊடகங்களிலும் மக்கள் மத்தியிலும் பரவலாக அடிபடுகிறது. மேலும், இடைத்தேர்தலுக்கு முன்பாக பாட்டாளி மக்கள் கட்சியுடன் தவேக அரசு காட்டிய இணக்கமான போக்கும், சௌமியா அன்புமணி, அன்புமணி ராமதாஸ் ஆகியோரின் பேச்சுகள் மற்றும் பாமக-வின் வாக்குகள் மறைமுகமாக அரசுக்கே சென்றதாகக் கூறப்படும் செய்திகளும் இத்தகைய சந்தேகங்களை வலுப்படுத்தின.
SIR நடைமுறைகள் குறித்துத் திருமாவளவன் அரசுக்கு எதிராகப் பேசுவதும், பாமக கூட்டணிக்கு வந்தால் நாங்கள் வெளியேறி விடுவோம் என்று கொள்கை ரீதியாகக் குரல் கொடுப்பதும் த வெ க அரசு அவரை மறைமுகமாக நிர்பந்திப்பது போன்ற ஒரு சூழலை ஏற்படுத்தியிருக்கிறது.
ஆனால், ஆழமான அரசியல் வரலாற்றையும் தற்போதைய கள நிலவரத்தையும் உற்றுநோக்கினால், பாட்டாளி மக்கள் கட்சி எப்போதும் பாஜக-வை எந்தச் சூழலிலும் தவிர்க்காமல் ஆதரிக்கும் மனப்பான்மையையும், தேசிய அளவில் அதனுடன் இணக்கமாகச் செல்லும் நிலைப்பாட்டையுமே கடந்த கால கூட்டணியில் கொண்டிருந்தது என்பதை மறுக்க முடியாது. இதனால் பாமக-வா அல்லது விசிக-வா என்ற கேள்வி எழும்போது, மதச்சார்பற்ற மற்றும் கொள்கை சார்ந்த அரசியலை முன்னெடுக்கும் தவேக அரசு நிச்சயமாக விசிக என்ற தெளிவான நிலைப்பாட்டைத் தான் எடுக்கும்.
அத்துடன், மாநில அளவில் பெரும்பான்மை பலம் கிடைத்துவிட்டாலும், வரவிருக்கும் நாடாளுமன்றத் தேர்தலில் பெரும் வெற்றியைப் பெற அனுபவம் மிக்க தலைவர்களின் வழிகாட்டுதல் த வெ க அரசுக்கு மிக அவசியம். கடந்த சட்டமன்றத் தேர்தலில் இந்திய கம்யூனிஸ்ட், மார்க்சிஸ்ட் கம்யூனிஸ்ட் மற்றும் ஐயுஎம்எல் போன்ற கட்சிகளை ஒருங்கிணைத்து கூட்டணியைப் பலப்படுத்தியதிலும், அகில இந்திய அளவில் உள்ள பிற மாநிலத் தலைவர்களின் ஆதரவைச் சாத்தியப்படுத்தியதிலும் திருமாவளவனின் பங்கு முதன்மையானது.
சிதம்பரம் நாடாளுமன்றத் தொகுதியில் 2009, 2019 மற்றும் 2024 ஆகிய தேர்தல்களில் தொடர்ச்சியாக 3 முறை மக்களவை உறுப்பினராக வெற்றி பெற்று சாதனை படைத்துள்ள திருமாவளவன், 2001-இல் சட்டமன்ற உறுப்பினராகவும் பணியாற்றி, பல தசாப்த கால நாடாளுமன்ற மற்றும் ஜனநாயகப் போராட்ட அனுபவத்தைக் கொண்டவர்.
எனவே, பாமக-வின் பாஜக ஆதரவு நிலைப்பாடு, திருமாவளவனின் அகில இந்திய அரசியல் தொடர்பு மற்றும் அவரின் முதிர்ச்சியான அணுகுமுறை ஆகியவற்றை ஆராயும்போது, த வெ க அரசு திருமாவளவனை அச்சுறுத்துவது போல் சில தற்காலிக நகர்வுகளைச் செய்தாலும், எந்தச் சூழலிலும் அவரைக் கழட்டி விடாது;
வரவிருக்கும் நாடாளுமன்றத் தேர்தலிலும் மதச்சார்பற்ற கூட்டணியைத் தக்கவைக்கத் திருமாவளவனின் ஆலோசனை த வெ க அரசுக்குக் கட்டாயம் தேவைப்படும் என்பதே நிதர்சனமான நடைமுறையாகும்.
முழுப் படம்
