டீக்கடை பெஞ்ச் – எபிசோடு 1
சாம்பிராணி: ஏம்பா தண்டோரா... கள்ளக்குறிச்சியில ஒரு மெசேஜ் தமிழ்நாட்டு அரசியலையே கலக்குதாமே?
தண்டோரா: ஆமாண்டா! எம்.எல்.ஏ. அருள் விக்னேஷ், மாவட்ட கலெக்டருக்கு இரவு நேரத்துல, 'நீங்கள் அழகாக இருக்கிறீர்கள்'ன்னு மெசேஜ் அனுப்பியதாகப் புகார் வந்திருக்காம்!
சாம்பிராணி: அடடே! ஒரு மெசேஜ் இவ்வளவு பெரிய அரசியல் விவாதமாகிடுச்சா?
தண்டோரா: அதுமட்டுமா? திமுக கடும் கண்டனம் தெரிவிக்குது. போராட்டமும் நடத்துது. ஊடகங்கள் விவாதம் நடத்துது. யூடியூப்ல தனி விசாரணையே நடந்துகிட்டிருக்கு!
மல்லிகா: (குறுக்கிட்டு) அட, இவ்வளவு பேரும் பேசுறாங்களே... அப்போ அரசாங்கம் என்ன சொல்லுது?
தண்டோரா: அமைச்சர் நிர்மல் குமார் ஒண்ணுமே நடக்காத மாதிரி பேசுறாராம். புகார் கொடுத்தா நடவடிக்கை எடுப்போம்னு அரசு தரப்பு சொல்லுதாம்!
மல்லிகா: என்னப்பா இது? ஊருக்கே தெரிஞ்ச ஒரு விஷயத்துக்கு புகார் வந்தாதான் நடவடிக்கையா? முதலமைச்சர் இதுவரைக்கும் ஒரு வார்த்தைகூட சொல்லலையே!
சாம்பிராணி: கலெக்டர் தரப்பிலிருந்தும் இதுவரைக்கும் மறுப்பு வரலையே!
மல்லிகா: அதுக்காக அவங்ககிட்ட ஏன் கேள்வி கேட்கணும்? அவங்க என்ன தப்பு செஞ்சாங்க? அரசாங்கம்தானே இதற்குப் பதில் சொல்லணும்?
தண்டோரா: நீ சொல்றதும் சரிதான். ஆனா முதலமைச்சர் ஏன் அமைதியா இருக்காருன்னுதான் புரியல!
மல்லிகா: அதான் எனக்கும் சந்தேகம்! எதிர்க்கட்சிகள் பேசுது, ஊடகங்கள் கேள்வி கேட்குது, போராட்டம் நடக்குது. ஆனா அரசாங்கம் மட்டும் இன்னும் மெசேஜ் படிக்காத மாதிரி இருக்கே!
சாம்பிராணி: விஜய் என்ன சொல்லியிருக்காரு?
தண்டோரா: யார் தவறு செய்திருந்தாலும் நடவடிக்கை எடுக்கப்படும்னு சொல்லியிருக்காரு.
மல்லிகா: அதுதான் சரி! ஆனா அதைச் செயலிலும் காட்டணும்.
அரசியல்ல அண்ணன், தம்பி, மாமான்னு உறவு வேணாம். தப்பு செஞ்சா நடவடிக்கைதான் முக்கியம்!
தண்டோரா: அடடே! மல்லிகா அரசியல் பாடமே நடத்திட்டாங்களே!
சாம்பிராணி: சரி, இவ்வளவு நேரம் அரசாங்கத்திடம் பதில் கேட்டோம். இப்போ டீக்கடைக்காரர் நம்மகிட்ட பில் கேட்கிறாரு. யாரு பதில் சொல்லப்போறது?
மல்லிகா: அரசியல்லதான் எல்லாரும் பொறுப்பைத் தட்டிக் கழிக்கிறாங்கன்னு பார்த்தா, இங்கேயுமா?
தண்டோரா: அதுதான் ஜனநாயகம்...
Wisdom News