ராமதாஸ் – அன்புமணி இடையே மனக்கசப்பு அதிகரித்த நிலையில், பாமக இளைஞர் அணி தலைவர் பதவியில் இருந்து முகுந்தன் விலகுவதாக அறிவித்துள்ளார்.

பாமக நிறுவனர் ராமதாஸ், அன்புமணி ராமதாஸ் மீது அடுக்கடுக்கான குற்றச்சாட்டுகளை கூறிய நிலையில், தைலாபுரம் தோட்டத்திற்கு போலீஸ் பாதுகாப்பு வழங்கப்பட்டுள்ளது. அன்புமணி ராமதாஸ் சோழிங்கநல்லூரில் உள்ள மண்டபத்தில் இன்று பா.ம.க நிர்வாகிகளை சந்தித்து ஆலோசனை நடத்துகிறார்.

தமிழக முதல்வர் மு.க. ஸ்டாலின் இன்று மதுரையில் 16 கிலோமீட்டர் தூரத்திற்கு “ரோடு ஷோ” நடத்த உள்ளார். இதற்காக 2 ஆயிரம் போலீசார் பாதுகாப்பு பணியில் ஈடுபட்டுள்ளனர். மதுரையில் திமுக பொதுக்குழு கூட்டம் நடைபெறும் அரங்கத்தின் முகப்பு, திமுக தலைமை அலுவலகமான அண்ணா அறிவாலயம் போன்று அலங்கரிக்கப்பட்டுள்ளது.

சென்னையில் இன்று பெட்ரோல் விலை ₹100.80, டீசல் விலை ₹92.39 ஆக உள்ளது. தங்கத்தின் விலை நிலையாக உள்ளது; ஒரு கிராம் ₹8,920 மற்றும் ஒரு சவரன் ₹71,360 ஆக உள்ளது.

தமிழ்நாட்டில் பள்ளிகள் ஜூன் 2ஆம் தேதி மீண்டும் திறக்கப்படவுள்ளன. மாணவர்களின் பயண வசதிக்காக தமிழ்நாடு போக்குவரத்துக் கழகம் 2,510 சிறப்பு பேருந்துகளை இயக்க திட்டமிட்டுள்ளது.